कोल्हापूर: राज्यात जुलै महिन्याच्या सुरुवातीपासूनच अनेक ठिकाणी मुसळधार पाऊस सुरु आहे. सतत पडणाऱ्या पावसामुळे आता पंचगंगा नदीच्या पाणी पातळीत देखील वाढ झाली आहे. पंचगंगेची पाणी पातळी 41 फुटांवर पोहोचली आहे. मुसळधार पावसाचा फटका वाहतुकीला बसला आहे. कोल्हापूर-रत्नागिरी, कोल्हापूर-गगनबावडा मार्ग हा वाहतुकीसाठी बंद झाले आहेत. रस्त्यांना नद्यांचं स्वरुप आल्याने वाहन चालकांना पाण्यातून मार्ग काढताना मोठी कसरत करावी लागत आहे. पुणे-बंगळुरु महामार्गाकडे जाणारा मार्ग देखील बंद झाला आहे. या मुसळधार पावसामुळे कोल्हापूरकरांची पाण्याची चिंता मिटण्याची शक्यता वर्तवली जात आहे.