कल्याण-डोंबिवलीत पडणाऱ्या मुसळधार पावसाचा फटका शिवसेना शिंदे गटाचे खासदार श्रीकांत शिंदे यांच्या बंगल्याला देखील बसला. श्रीकांत शिंदे यांच्या डोंबिवलीतील सदगुरू बंगल्यामध्ये पाणी शिरले. याचे फोटो आणि व्हिडीओ समोर आले आहेत. श्रीकांत शिंदे यांच्या बंगल्याबाहेरील परिसरात देखील गुडघाभर पाणी साचले आहे.

दरम्यान, कल्याण-डोंबिवलीमध्ये सकाळपासून मुसळधार पाऊस पडत आहे. कल्याण पूर्वेतील चेतना पाईपलाईन रोड परिसराा पावसाने झोडपून काढले. या परिसरात गुडघाभर पाणी साचले. याच पाण्यातून वाट काढत वाहनचालकांना प्रवास करावा लागला. तर कोपर रोडवरील सोसायट्यांमध्ये देखील पाणी शिरले आहे. तर डोंबिवली- कोपर रोडवरील अंबा भवानी मंदिर परिसरात सोसायट्यांच्या आवारात पाणी शिरले. मुलं आणि ज्येष्ठ नागरिकांना घराबाहेर पडणं कठीण झाले आहे.