भंडारा जिल्ह्यात अतिवृष्टीनंतर पिकांवर करपा रोग पसरला आहे. या रोगाचा धान पिकाला मोठ्या प्रमाणात बसला आहे. नदी काठावरील कापणीला आलेल शेकडो एकरवरील धान पीक आता सुकत आहे. आधीच अतिवृष्टी त्यात आता करपा रोग यामुळे शेतकरी दुहेरी संकटात सापडला आहे. शेतकऱ्यांनी नुकसान भरपाई देण्याची मागणी केली आहे.

गेल्या काही दिवसांपासून भंडारा परिसरात जोरदार पाऊस सुरू आहे. या अतिवृष्टीमुळे शेतात पाणी झाले आहे. हातातोंडाशी आलेलं पीक पाण्याखाली गेलं आहे. त्यामुळे शेतकरी विवंचनेत होता. त्यातच आता या पिकांवर करपा रोग पडला आहे. त्यामुळे काढणीला आलेली पिकं सुकायला लागली आहेत. यातून शेतकऱ्याच्या हातात काहीच येणार नसल्याने शेतकऱ्यांकडून नुकसान भरपाईची मागणी करण्यात येत आहे.