हिंगोलीच्या वसमत तालुक्यात अनेक गावांमध्ये ढगफुटी सदृश्य पाऊस झाला. मुसळधार पावसामुळे शेतीचं प्रचंड नुकसान झाले आहे. वसमत तालुक्यातील पांगरा शिंदे परिसरात गावाजवळ असलेल्या ओढ्याला पूर आल्याने शेतातील २५ ते ३० शेतकरी पुराच्या पाण्यात अडकले.

दरम्यान गावकऱ्यांनी दोरीच्या सहाय्याने शेतकऱ्यांना सुरक्षितरित्या बाहेर काढले असून यामध्ये महिला शेतकऱ्यांचा देखील समावेश आहे, पुराच्या पाण्यातून गावकऱ्यांना बाहेर काढतानाचे अंगाला थरकाप दृश्य व्हिडिओमध्ये दिसत आहे.