काही दिवस विश्रांती घेतल्यानंतर पावसाने पुन्हा हजेरी लावलीये. अनेक जिल्ह्यात मुसळधार पाऊस सुरु आहे. मुसळधार पावसाने नागरिकांचे जनजीवन विस्कळीत झालंय. दरम्यान रत्नागिरी जिल्ह्यातही कालपासून पावसाने थैमान घातलं आहे. काल रात्रीपासून किनारपट्टी भागात मुसळधार पाऊस सुरु आहे. पश्चिम किनारपट्टीवर कमी दाबाच क्षेत्र आहे. त्याचा परिणाम पुढील दोन ते तीन दिवस जाणवेल.तसेच पावसाचा जोर आणखी वाढण्याची देखील शक्यता वर्तवली जात आहे.26 ऑगस्टपर्यंत किनारपट्टी भागात मध्यम ते मुसळधार पाऊस होण्याची शक्यता आहे.