सिंधुदुर्ग: सध्या अनेक जिल्ह्यात मुसळधार पाऊस सुरु आहे. या पावसामुळे अलर्ट देखील जारी करण्यात आला आहे. काल 18 जुलै रोजी सिंधुदुर्गात रात्रभर मुसळधार पाऊस झाला. या पावसामुळे तेरेखोल नदीने धोका पातळी ओलांडली आहे. सावंतवाडी तालुक्यातील बांदा शहरात आळवाडी मच्छीमार्केट मध्ये पुराचे पाणी घुसले आहे. त्यामुळे व्यापाऱ्यांना त्यांची दुकाने सुरु करता येत नाहीत ,तसेच सकाळपासून पावसाने जरी विश्रांती घेतली असली तरी बांद्यातील पाणी अजूनही ओसरले नाहीये.