देशातील १३ राज्यांमध्ये विजांचा कडकडाट आणि वादळी वाऱ्यासह मुसळधार पावसाचा इशारा देण्यात आला आहे. उत्तर प्रदेश, तामिळनाडू, केरळ, पुदुचेरीसह अनेक राज्यांत वादळी वाऱ्यासह पावसाचा अलर्ट जारी करण्यात आला आहे. पुढील काही दिवसांपर्यंत जोरदार पाऊस, वादळी वारे आणि वीज कोसळण्याचा अंदाज असून, हवामान विभागाने सतर्कतेचा इशारा दिला आहे.

१० ते १२ मे या कालावधीत उत्तर पश्चिम भारतात हवामानात बदल होण्याची शक्यता आहे. बिहार, पंजाब, हरियाणा, राजस्थान, हिमाचल प्रदेशातील काही भागात पावसाची शक्यता आहे. तर केरळ, तामिळनाडू, पुदुचेरी या भागात ६-७ दिवसांपर्यंत मेघगर्जना आणि वेगवान वाऱ्यासह पाऊस कोसळण्याचा अंदाज आहे. बिहार, विदर्भ आणि तेलंगणामध्ये गारपिटीची शक्यता आहे.