Mumbai Local Fatka Gang News : मुंबईची लोकल... मुंबईची लोकल ही कित्येकांसाठी जीव की प्राणच.. मुंबईची लाईफलाईन असणाऱ्या लोकलमधून दररोज लाखो प्रवाशी प्रवास करतात.. पण याच प्रवाशांना लुटायला, त्यांच्या जीवाशी खेळणारे काही गर्दुल्ले दबा धरुन बसलेले असतात. दरवाजात उभ्या असणाऱ्या प्रवाशांचा मोबाईल हिसकावणारी ही फटका गँग तुमच्यावरही डोळा ठेवून असते. प्रवाशी बेसावध असताना ही गँग डाव साधते. कल्याणमध्येही हेच घडलं. एका मोबाईलसाठी लोकांच्या जीवाशी खेळायचा हा थरारक प्रकार 31 वर्षीय जगन लक्ष्मण जंगलेने अनुभवलाय.. नुसता अनुभवलाच नाही, या अनुभवाने त्याच्या आयुष्यावरही खोलवर जखम केलीय. या हल्ल्यात जगनने दोन्ही पाय गमावलेत..