जालना: ओबीसी आरक्षणाच्या संरक्षणासाठी ओबीसी आंदोलक लक्ष्मण हाके यांच उपोषण सुरु आहे. हाकेंच्या उपोषणाचा आज १० वा दिवस आहे. गेल्या काही वर्षापासून मराठ्यांच आरक्षण मिळावं यासाठी आंदोलन सुरु आहे. मराठ्यांना ओबीसींमधून आरक्षण देण्यात येऊ नये या मागणीसाठी ओबीसी आक्रमक झाले आहेत. सरकारचं शिष्टमंडळ वडीगोद्री येथे हाकेंशी चर्चा करण्यासाठी येणार आहे.जालन्याच्या जिल्हाधिकाऱ्यांनी उपोषणाच्या ठिकाणी भेट दिली असून हाकेंच्या तब्येतीची विचारपूस केली आहे.