प्रहार संघटनेचे नेते बच्चू कडू यांनी शेतकऱ्यांच्या मागण्यांसाठी मंत्री गुलाबराव पाटील यांच्यावर घरावर मोर्चा काढण्याचा इशारा दिला होता. यानंतर राजकीय वर्तुळात खळबळ उडाली होती. या मुद्द्यावर आता गुलाबराव पाटील यांनी प्रत्युत्तर देत बच्चू कडू यांना थेट आव्हान दिलं आहे. 'पाळधी गावात एकदा येऊन तर बघ.. त्यांनी एकदा गावात येऊन दाखवावच', असं पाटील म्हणाले.

'पाळधी गावात त्यांनी एकदा येऊन तर दाखवावं', असं थेट आव्हान गुलाबराव पाटील यांनी बच्चू कडू यांना दिले आहे. 'मोर्चा काढणे हे आमचे काम आहे. आता बच्चू कडू म्हणतात की पालकमंत्र्यांच्या घरावर मोर्चा काढणार. अरे, एकदा पाळधी गावात येऊन तर बघा', असे थेट आव्हान गुलाबराव पाटील यांनी दिले आहे.