मुसळधार हजेरी लावल्याने अनेक ठिकाणी पाणी साचल्याने नागरिकांची चांगलीच तारांबळ उडाली आहे. तसेच कोकणात देखील पावसाची तूफान बॅटींग सुरू आहे. शनिवारी सायंकाळी दोन तास झालेल्या तूफान पावसाचा फटका पालशेत आणि असगोली गावाला बसला आहे. पालशेत सावरपाटी येथील 8 घरांमध्ये पुराचे पाणी शिरले. तसेच असगोली येथे जाणाऱ्या सखल भागातील रस्ता पाण्याखाली गेला होता. असगोली खारवीवाडीतील नाल्याला पुर आल्याने नाल्यावरील पुलावर 3 फुट पाणी होते. पाण्याच्या लोंढ्यामुळे या पूलावारील डांबर पूर्णपणे उखडून गेले आहे. मुसळधार पावसामुळे गुहागर तालुक्यातील ग्रामीण भागातील जनजीवन विस्कळीत झाले आहे.