दिल्लीतील नोएडा येथे असलेल्या मुलींच्या वसतिगृहाला भीषण आग लागली असून, विद्यार्थिनींमध्ये प्रचंड घबराटीचे वातावरण निर्माण झाले आहे. आपल्या जीवाची पर्वा न करता काही मुलींनी थेट वसतिगृहाच्या खिडकीतून उड्या मारल्या.

मिळालेल्या माहितीनुसार, ही आग एसी कॉम्प्रेसर फुटल्यामुळे लागली. आग इतकी तीव्र होती की पुढच्या दारातून बाहेर पडणे अशक्य झाले. त्यामुळे चौथ्या व पाचव्या मजल्यावरून काही मुलींनी उड्या मारल्या, यामध्ये एका विद्यार्थिनीला गंभीर दुखापत झाली आहे.

दरम्यान अग्निशामक दलाच्या जवानांनी घटनास्थळी तातडीने धाव घेतली असली तरी आगीचा फैलाव वाढत असल्याने परिसरात भीतीचे वातावरण निर्माण झाले आहे. बचावकार्य सुरू असून अधिकचा तपास सुरू आहे.