सोन्यानंतर आता चांदीच्या दागिन्यांवर देखील हॉलमार्क असणार आहे. चांदीच्या दागिन्यांना हॉल मार्कींग करण्याबाबत सरकार विचार करत आहे. ग्राहकांची फसवणूक होऊ नये यासाठी सोन्यावर हॉल मार्क अनिवार्य आहे. सोने-चांदी खरेदी करताना गुणवत्ता हा महत्वाचा भाग आहे. तोच नियम आता चांदीसाठी देखील लागू करण्यात येणार आहे. मात्र यात मोठी तांत्रिक समस्या आहे. कारण चांदीवरील हॉल मार्क सहज मिटून जाते.

चांदीच्या दागिन्यांना हॉल मार्कींग करण्याबाबत सरकार विचार करत आहे. हॉल मार्कमुळे दागिन्यांच्या शुद्धतेची हमी मिळते. दागिन्यांवर नमूद २२, २४, आणि १८ कॅरटचे दागिनेच ग्राहकांना मिळतात. हॉलमार्कमध्येच ग्राहकांना शुद्धतेसोबत वजन, निर्माता, विक्रीचं स्थान इत्यादी माहिती मिळते. मात्र चांदीवर हॉल मार्क लावायला तांत्रिक अडचणी येणार आहेत. त्यामुळे याबद्दल अद्याप कोणताही निर्णय झाला नसला तरी सरकार यावर काय तोडगा काढता येईल याचा विचार करत आहे.