नंदुरबार: आज होळीच्या निमित्ताने लाडक्या बहीणींच्या खात्यावर तीन हजार रुपये जमा झाले आहेत. होळी सणाच्या पार्श्वभूमीवर लाडकी बहीण योजनेचे पैसे खात्यावर जमा होताच महिलांनी त्यांना काढण्यासाठी नंदुरबार येथील पोस्ट ऑफिसकडे धाव घेतली. पोस्ट ऑफिससमोर महिलांची लांबच लांब रांग लागली असून सकाळपासूनच त्या आपल्या पैशांची वाट पाहत आहेत. सणासुदीच्या खरेदीसाठी हा आर्थिक आधार मिळाल्याने महिलांमध्ये आनंदाचे वातावरण आहे.