लोकल ट्रेनने प्रवास करणाऱ्या मुंबईकरांना दिलासा देणारी बातमी आहे. मुंबईत आता दर अडीज मिनिटांनी लोकल धावणार आहे. रेल्वेमंत्री आश्विनी वैष्णव यांनी ही माहिती दिली आहे. सध्या मुंबईतील दोन लोकल ट्रेनमधील अंतर हे तीन मिनिटाचं आहे. मात्र, अनेकदा दुसरी लोकल यायला वेळ लागतो.

यातील तांत्रिक अडचणी दूर करत तिन्ही मार्गावरील लोकल ट्रेनला CBTC यंत्रणा जोडली जाणार आहे. या यंत्रणेमुळे तिन्ही मार्गावर लोकल दर अडीज मिनिटाला येणार आहे. रेल्वे प्रशासनाच्या या निर्णयामुळे मुंबईकरांना मोठा दिलासा मिळणार असून ट्रेनमधील गर्दी देखील कमी होण्यास मदत होणार आहे.

अशा प्रकारची प्रणाली लावणारे मुंबई हे पहिलेच शहर ठरणार आहे. या प्रणालीने येत्या ३ वर्षात लोकल ट्रेनची संख्या अगदी दुप्पटीने वाढणार आहे. त्यामुळे आगामी काळात मुंबईकरांचा प्रवास सुखकर होणार आहे. येत्या काही महिन्यातच ही प्रणाली राबण्यात येणार असल्याची माहिती आश्विनी वैष्णव यांनी दिली आहे.