नागपूर गोंदिया रेल्वे विभागातून एक धाडसी उदाहरण ठरेल अशी घटना समोर आली आहे. गोंडवाना एक्सप्रेस सुटत असताना धावत्या गाडीत चढण्याचा प्रयत्न करणारा एक प्रवासी तोल जाऊन प्लॅटफॉर्म आणि गाडीच्या मधोमध गॅपमध्ये अडकला. परिस्थिती गंभीर असून कोणत्याही क्षणी मोठा अपघात होण्याची शक्यता होती. मात्र,क्षणाचा विलंब न करता रेल्वे सुरक्षा दलाचे (RPF) आरक्षक धनंजय कुमार यांनी धाव घेत त्या प्रवाशाला बाहेर खेचल. त्यांनी घेतलेल्या अतिशय धाडसी निर्णयामुळे एका प्रवाशाचा जीव वाचला आणि मोठी दुर्घटना टळली. हि संपूर्ण थरारक घटना सीसीटीव्हीमध्ये स्पष्टपणे कैद झाली आहे.