प्रतितोळा सोन्याचे दर ७५ हजार रुपये इतके झाले आहे. ऐन लग्नसराईत सोनं महागल्याने ग्राहकांचे हाल झाले आहेत. या दरवाढीमुळे सोने व्यापाऱ्यांची चिंता वाढली आहे असं सांगितलं जातंय. गुढीपाडव्यापूर्वी सोन्याचा दर ७० हजारांच्या वर गेला होता. तेव्हापासून सोन्याचे दर हे वाढतच गेले. अमेरिकेत कमी झालेले व्याज दर, जगाची बदलेली भुराजकीय परिस्थिती यामुळे सोन्याचे दर वाढले असं सांगितलं जातंय. सकाळी एक ग्रॅम सोन्याची किंमत ६ हजार ८१० रुपये इतकी होती. तर २४ कॅरेट एक तोळा सोन्याची किंमत ७४ हजार २८० रुपये इतकी होती.