सध्या देशभरात सोन्याच्या दरांनी उच्चांक गाठले असून आजचा दर तब्बल ₹1,02,000 प्रति तोळा झाला आहे. तज्ज्ञांच्या मते हा दर लवकरच ₹1,10,000 पर्यंत पोहोचू शकतो. या दरवाढीचा थेट परिणाम सोनं घडवणाऱ्या हातमजुरीवर चालणाऱ्या सुवर्णकारांवर होतो. खास करून बंगालमधून येणारे कुशल कारागीर, जे भारताच्या पारंपरिक हँडमेड सोन्याच्या कामाला जीव देतात, आजही कमी पगारावर काम करत आहेत. अशा सुवर्ण कारागिरांना सुरक्षा कवच दिलं गेलं पाहिजे, अशी मागणी देखील अखिल भारतीय जेम्स अँड ज्वेलरी असोसिएशनचे अध्यक्ष संजय शहा यांनी सरकारकडे केली आहे.