अभिजित सोनवणे, साम टीव्ही नाशिक

नाशिक जिल्ह्यात पावसाने अक्षरश: थैमान घातलं असून गेल्या 24 तासांत मुसळधार पाऊस झाला. त्यामुळे गोदावरील नदीला यंदाच्या वर्षातील दुसऱ्यांदा मोठा पूर आला. परिणामी गोदाकाठावरील अनेक मंदिरे पाण्याखाली गेली असून नदीकाठच्या गावांना सतर्कतेचा इशारा देण्यात आला आहे.

गेल्या दोन ते तीन दिवसांपासून संपूर्ण नाशिक जिल्ह्यात मुसळधार पाऊस सुरु आहे. त्यामुळे धरणांच्या पाणलोट क्षेत्रात देखील मोठी वाढ झाली आहे. अनेक धरणांमधून पाण्याचा विसर्ग करण्यात आल्याने गोदावरी नदीला मोठा पूर आलाय.

गंगापूर धरणातून तब्बल 8 हजार 428 क्यूसेक वेगाने पाण्याचा विसर्ग गोदावरी नदीत करण्यात आलाय. त्यामुळे गोदाकाठावरील दुतोंड्या मारुतीच्या छातीपर्यंत पाणी लागले आहे.नदी काठावरील अनेक छोटे पूल पाण्याखाली गेले असून जनजीवन विस्कळीत झालं आहे.