गोवा राज्याचे आरोग्यमंत्री विश्वजित राणे यांनी अचानक गोवा मेडिकल कॉलेजला भेट देत तेथील चालत असणाऱ्या कारभारावर संताप व्यक्त केला. यावेळी आरोग्यमंत्री विश्वजित राणे यांनी डॉ. रुद्रेश यांच्या गैरवर्तनाबद्दल माहिती मिळाली होती. त्यामुळे मंत्री विश्वजित राणेंकडून कॅज्यूलटी विभागाचे डॉ. रुद्रेश यांच्या तात्काळ निलंबनाचा आदेश दिला. यावेळी त्यांनी रुग्णांशी नीट वागा आणि बोला अन्यथा घरी चला, असे म्हणत आरोग्य मंत्र्यांनी डॉक्टरांच्या निलंबनाचे आदेश दिले.

विश्वजित राणे यांनी मेडिकल कॉलेजमध्ये फिल्म स्टाईल एंट्री मारली. आतमध्ये जाताच येथे चीफ मेडिकल ऑफिसर कोण आहे? असे विचारले. यावेळी नर्सने आसपासच असतील असे सांगितले मात्र ते कुठे आहेत. त्यांना बोलवा म्हणून विश्वजित राणे एका जागेवरच बसून राहिले. यानंतर चीफ मेडिकल ऑफिसर डॉ. रुद्रेश समोर येताच त्यांनी त्यांचे जागेवर निलंबन केले.