बडतर्फ पोलीस अधिकारी सचिन वाझे यांनी अनिल देशमुख यांच्यावर गंभीर आरोप केले आहेत. पीएच्या माध्यमातून अनिल देशमुख पैसे घ्यायचे असा आरोप वाझे यांनी केला असून त्यावर गिरीष महाजन यांनी प्रतिक्रिया दिली आहे. सचिन वाझे यांनी नाव घेतलं असेल तर चौकशी झाली पाहिजे असं विधान गिरीष महाजन यांनी केलं आहे. तर संजय राऊत यांनी जोरदार पलटवार केला आहे. फडणवीसांचं नाव घेतील असे 10 जण उभे करु शकतो असं विधान करत संजय राऊत यांनी टीकास्त्र डागलं आहे.