अगदी दोन दिवसापूर्वी मुंब्रा ते दिव्य दरम्यान धावत्या लोकलमध्ये पडून 4 जणांचा मृत्यू झाल्याची घटना घडली होती. अशातच आज मध्यरेल्वेवरील घाटकोपर स्टेशनवर एक प्रवाशी मध्य रेल्वे लोकल आणि फ्लॅटफॉर्मच्या फटीत प्रवासी अडकला आणि त्याचा मृत्यू झाला. या प्रवाशाचा जीव वाचवण्यासाठी रेल्वे पोलिस तातडीने धावले मात्र, दुर्दैवाने या प्रवाशाचा मृत्यू झाला आहे. मुंबईतील सुरक्षित रेल्वे प्रवासाचा प्रश्न पुन्हा एकदा समोर आला आहे. गाडी वेगात असल्यामुळे पाय घसरून तो रेल्वे आणि फलटमध्ये अडकला. छातीवर मार लागल्याने मृत्यू झाल्याची प्राथमिक माहिती समोर आली आहे. त्याला बाहेर काढून लगेचच राजावाडी हॉस्पिटलमध्ये नेले. परंतु त्याआधीच त्याचा मृत्यू झाला होता अशी माहिती डॉक्टरांनी दिली आहे.