घाटकोपरमध्ये घडलेल्या होर्डींगच्या अपघातात १४ जणांचा मृत्यू झाला आहे. एनडीआरएफकडून युद्धपातळीवर बचावकार्य सुरु आहे. ७४ जणांवर रुग्णालयात उपचार चालू आहेत. दुर्घटनास्थळी अजूनही काही जण अडकले आहेत. होर्डिंगच्या मालकाविरोधात गुन्हा दाखल करण्यात आला आहे. काल मुंबईमध्ये वादळी वाऱ्यासह जोरदार पाऊस होता. याचवेळी घाटकोपरच्या रमाबाई नगरमधल्या पेट्रोल पंपावर हे होर्डिंग कोसळलं आणि या होर्डिंगखाली अनेकजण दबले गेले होते.