मुंबई पुन्हा एकदा मराठी माणसाचा अपमान झाल्याचा प्रकार समोर आला आहे. घाटकोपर भागात राहणाऱ्या गुजराती कुटुंबाकडून मराठी कुटुंबाला अपमानकारक वागणूक दिल्याचा आरोप महाराष्ट्र नवनिर्माण सेनेकडून करण्यात आला आहे. घाटकोपर मधील एका सोसायटीतील गुजराती कुटुंबियांकडून अवमानकारक वागणूक मराठी कुटुंबाला मिळत असल्याच समजताच मनसे कार्यकर्ते घटनास्थळी जाऊन आक्रमक झाले होते. रात्री मनसैनिकांनी घाटकोपरच्या सोसायटीमध्ये धाव घेतली आणि सोसायटीतील सदस्यांना आपल्या मनसेस्टाईलमध्ये समज दिली.

यानंतर आज सकाळी पुन्हा एकदा मराठी कुटुंबाला अपमानकारक वागणूक दिल्या प्रकरणी मनसे पदाधिकाऱ्यांनी घाटकोपरच्या सोसायटी अध्यक्षाला जाब विचारला तर सोसायटीच्या अध्यक्षांनी राजीनामा द्यावा अशी मागणी सोसायटीच्या नागरिकांनी केली. मांसाहार करतात म्हणून मराठी कुटुंबाला अपमानस्पद वागणूक दिल्याचा आरोप मनसे कार्यकर्त्यांनी केला. तूम मराठी लोक गंदा है, तुम मटन खाते हो असा गुजराती कुटुंबाकडून मराठी कुटुंबाला बोलण्याचा आरोप मनसेकडून करण्यात आला आहे.