मुंबई : घाटकोपरमध्ये यंदा देखील गोविंदांचा उत्साह शिगेला पोहोचल्याचं पाहायला मिळतंय. राम कदम दहीहंडीचा व्हिडिओ समोर आलंय. घाटकोपरमधील राम कदम यांची दहीहंडी सर्वात मोठी मानली जाते. मुंबईत दरवर्षीप्रमाणे या ही वर्षी दहीहंडी उत्सावाचं मोठ्या जल्लोषात आयोजन करण्यात आले आहे. राम कदम यांच्या दहीहंडीचे घाटकोपर परिसरांतील श्रेयस सिनेमा चौकात आयोजन करण्यात आलंय.

आज दिवसभर सिनेकलाकारांच्या सोबत सुमधूर संगिताच्या साथीने दहीहांडीचा उत्सव पार पडत आहे. तसेच मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांची देखील या उत्सवाला आज हजेरी आहे. गोविंदांची पथकं मोठ्या उत्साहाने दहीहंडीला सलामी देत आहे. गोविंदांची तुफान गर्दी या ठिकाणी दिसत आहे. पाणी फेकलं जातंय, मधून गोविंदाची गाणी वाजत आहे. त्यामुळे वातारण अगदी जल्लोषपूर्ण असल्याचं दिसतंय. दहीहंडीचा थरार कॅमेऱ्यात कैद झालेला आपल्याला पाहायला मिळत आहे.