ऐरोली रेल्वे स्थानकाबाहेर ठाणे बेलापूर महामार्गावर एक मोठा अपघात घडला. रस्त्याच्या कडेला उभी असलेल्या चायनीज फूड विक्रीसाठी वापरल्या जाणाऱ्या गाडीच्या गॅस सिलिंडरमध्ये अचानक मोठा स्फोट झाला. स्फोट इतका भीषण होता की, आगीने क्षणार्धात संपूर्ण गाडीला वेढले. आगीमुळे गाडी पूर्णपणे जळून खाक झाली. यामध्ये सिलेंडरचे तुकडे होऊन आसपास विखुरले गेले. सुदैवाने या घटनेत कोणतीही जीवितहानी झाली नाही. मात्र, या अपघातामुळे महामार्गावरील वाहतूक अर्धा तास ठप्प झाली होती. यामुळे रस्त्यावर मोठी वाहतूक कोंडी निर्माण झाली.