१० दिवस लाडक्या बाप्पाची सेवा केल्यानंतर आज गणेशभक्त बाप्पाला निरोप देत आहेत. मुंबईमध्ये घरगुती गणपतींसोबतच सार्वजनिक गणेशोत्सव मंडळांच्या गणपतीचे विसर्जन केले जाणार आहे. थाटामाटामध्ये अनेक ठिकाणी गणपती बाप्पाची विसर्जन मिरवणुका निघाल्या आहेत. राज्याचे उपमुख्यमंत्री देवेंद्र फडणवीस यांनी देखील आपल्या घरच्या गणपतीची आरती करून बाप्पाला निरोप दिला.

उपमुख्यमंत्री देवेंद्र फडणवीस यांच्या निवासस्थानी सागर बंगल्यावर गणपती बाप्पा विराजमान झाले होते. 10 दिवसांच्या गणेशोत्सवानंतर आज फडणवीस यांनी बाप्पाला निरोप दिला. विसर्जन मिरवणुकीत देवेंद्र फडणवीस यांनी सहपत्नी बाप्पाची आरती केली. यावेळी ''गणपती बाप्पा मोरया.. पुढच्या वर्षी लवकर या..'' अशा घोषणा देखील देवेंद्र फडणवीस यांनी दिल्या.