तरुणाला मारहाण केल्याप्रकरणी अटकेत असलेला गुंड गजा मारणे याची तुरुंगात रवानगी करण्यात आली आहे. पुणे कोर्टानं त्याला न्यायालयीन कोठडी सुनावली. त्यानंतर त्याची तुरुंगात रवानगी झाली.

केंद्रीय मंत्री मुरलीधर मोहोळ यांच्या कार्यालयातील देवेंद्र जोग या तरुणाला मारहाण केल्याप्रकरणात गजा मारणे याला टोळी प्रमुख म्हणून अटक करण्यात आली होती. १९ फेब्रुवारी रोजी या तरुणाला मारहाण झाली होती. त्यानंतर त्याला अटक करण्यात आली होती. तसेच मारणे आणि टोळीवर पुणे पोलिसांकडून मकोका लावण्यात आला होता.

अटकेत असलेल्या गजा मारणेसह टोळीतील गुंडांना आज दुपारी २ वाजता पुणे कोर्टात हजर करण्यात आले. कोर्टानं त्याला न्यायालयीन कोठडी सुनावली. त्यानंतर त्याची तुरुंगात रवानगी करण्यात आली.