गणेश विसर्जन मिरवणुकीदरम्यान कोणताही अनुचित प्रकार घडू नये आणि शांतता, सुव्यवस्था अबाधित राहावी यासाठी यवतमाळ जिल्हा पोलिस प्रशासनाकडून कडक पावले उचलण्यात आली आहेत. जिल्हा पोलीस अधीक्षक कुमार चिंता यांच्या आदेशानंतर पोलिसांनी रेकॉर्डवरील तब्बल ३ हजार ९७६ जणांवर प्रतिबंधात्मक कारवाई केली आहे. संबंधित सर्वांना विविध कलमांअंतर्गत नोटिसा बजावण्यात आल्या आहेत.

गणेश विसर्जनाची मिरवणूक हा संवेदनशील कार्यक्रम मानला जात असल्याने पोलिसांनी आधीच खबरदारी घेतल्याचे पाहायला मिळत आहे. त्यामुळे कायदा व सुव्यवस्थेचा प्रश्न निर्माण होऊ नये यासाठी कडक कारवाई करण्यात आली आहे.