Pune News: पुण्यातील सार्वजनिक गणेश मंडळांनी दरवर्षी प्रमाणे यंदा सुद्धा आकर्षक देखावे सादर केले आहेत. याच निमित्ताने शनिपार मंडळाने तर चक्क देखावा म्हणून वृंदावन उभारलं आहे. ब्रिजभूमीचा प्रत्येक काना-कोपरा भगवान श्रीकृष्णाच्या रासलीलेचा साक्षीदार आहे. या देखाव्यात अशी अनेक ठिकाणे आहेत, जिथे श्रीकृष्णाच्या जन्मापासून ते त्यांच्या किशोरावस्‍थेपर्यंतच्या घटनांच्या खुणा आहेत. जे भाविक उत्तर प्रदेश राज्याच्या मथुरा जिल्ह्यातील या पुण्यक्षेत्रात अद्याप गेले नसतील त्यांच्यासाठी हा देखावा म्हणजे डोळ्यांचे पारणे फेडणारा आहे. पुण्यातील साकारलेल्या वृंदावनाचा आढावा घेतलाय आमचे प्रतिनिधी अक्षय बडवे यांनी...