भरत मोहोळकर, साम टीव्ही, प्रतिनिधी

मनोज जरांगेंनी एका जातीवर निवडणूक जिंकता येणार नसल्याचं स्पष्ट केल्यानंतर आता विधानसभेसाठी नवा फुलप्रुफ प्लॅन तयार केलाय.. तर मराठा, मुस्लीम, दलित समाजाला एकत्र करत भाजपचा सुफडा साफ करण्याचा निर्धारच जरांगेंनी केलाय.

मनोज जरांगेंनी 3 नोव्हेंबरला उमेदवारांची नावं जाहीर करण्याचं स्पष्ट केलंय.. मात्र मनोज जरांगेंनी मराठा- मुस्लीम आणि दलित समीकरण एकत्र केल्याने त्याचा महाविकास आघाडीला मोठा फटका बसण्याची शक्यता वर्तवली जात आहे. या एमएमडी फॅक्टरचा प्रभाव किती मतदारसंघात आहे, जाणून घेऊ...

एमएमडी फॅक्टरचा मविआला फटका?

दलित समाजाचा प्रभाव असलेल्या 88 पैकी 51 मतदारसंघात मविआला आघाडी

मुस्लीम बहुल 15 मतदारसंघात मविआला फायदा

जरांगे फॅक्टरचा 48 मतदारसंघात थेट प्रभाव

मुस्लीम, दलित आणि मराठा समाजाच्या धर्मगुरुंना एकत्र करत जरांगेंनी नवी मोट बांधलीय.. मात्र लोकसभेला महाविकास आघाडीला साथ देणाऱ्या मराठा, मुस्लीम आणि दलित मतं जरांगेंकडे वळल्यास त्याचा थेट फटका महाविकास आघाडीला बसण्याची शक्यता आहे. त्यामुळे जरांगेंचं नवं समीकरण भाजपच्या पथ्यावर पडणार की भाजपचाच सुफडा साफ करणार? याकडे लक्ष लागलंय..