कोलकाता प्रकरणानंतर मुंबईत हॉस्पिटल प्रशासन आता अलर्ट झालं आहे, मुंबई महानगरपालिकेने आता मोठा निर्णय घेतला आहे.

निवासी डॉक्टरांच्या सुरक्षेचा मुद्दा देशभर गाजत असताना, मुंबई महापालिका प्रशासनाने रुग्णालयात कार्यरत सुरक्षा विभागातील सर्व वरिष्ठ अधिकाऱ्यांची शनिवारी बैठक घेतली. यावेळी रुग्णालयात आणि हॉस्टेलमध्ये खाद्यपदार्थांची डिलिव्हरी करणाऱ्या व्यक्तीला ( Food Delivery Boy) प्रवेशबंदी करावी, अशी सूचना देण्यात आली आहे. त्यामुळे डॉक्टरांसह कोणीही हॉस्पिटल व कॉलेजच्या आवाराबाहेरून खाद्यपदार्थांची ऑर्डर केल्यास ते आता मुख्य प्रवेशद्वारावर जाऊन घ्यावे लागणार आहे. तसेच पार्किंगवर सुद्धा विशेष लक्ष दिले जाणार असून बेल वाजवून नातेवाईकांना भेटीची वेळ संपली असल्याची सुचना दिली जाणार आहे.