पुण्यातील पूराचा ढोल ताशा पथकाला मोठा फटका बसला आहे. अनेकांचे ढोल नदीमध्ये वाहून गेल्याची माहिती समोर येत आहे. नदीपात्रामध्ये मोठ्या प्रमाणावर ढोल पथकांचा सराव सुरू असतो. काल आलेल्या पुराच्या पाण्याने अनेकांचे ढोल पाण्यामध्ये वाहून गेले, तर अनेकांचे पत्रा शेड देखील भुईसपाट झाले आहेत. डोळ्यांदेखत ढोल पथकातील ढोल वाहून जाताना कार्यकर्त्यांना काहीही करता येत नव्हतं. ढोल वाहून जाताना पाहून ढोल ताशा पथकातील कार्यकर्त्यांना अश्रू अनावर झाले आहेत.