लंडनहून आणलेली शिवकालीन वाघनखं साताऱ्यातील छत्रपती शिवाजी महाराज संग्रहालयात आज पासून पाहता येणार आहेत. मुख्यमंत्री एकनाथ शिंदे यांच्या हस्ते वाघनखांचं उद्घाटन पार पडलं. यादरम्यान दोन्ही उपमुख्यमंत्र्यांसह छत्रपती घराण्याचे वंशज उपस्थित होते. शौर्याचं प्रतिक असणाऱ्या या वाघनखांची पहिली झलक तुम्हाला Saam TV वर पाहायला मिळेल. वाघनखांचं वजन हे ४९ ग्रॅम, लांबी ८.६ सेमी, खोली ९.५ सेमी, पट्टीची लांबी ७.६ सेमी, अंगठ्याचा व्यास २.५ सेमी तर नख्यातील अंतर १.८ सेमी आहे.