लोकलने प्रवास करणाऱ्यांसाठी महत्त्वाची बातमी समोर येत आहे. मुंबईतील रेल्वे स्थानकावर हार्ट अटॅकवर तात्काळ प्रथमोपचार मिळणार आहेत. हार्ट अटॅकवरील उपचारासाठी AED ही यंत्रणा बसवण्यात येणार आहे. रेल्वे स्थानकावर प्रवाशाला हार्ट अटॅक आल्यास तातडीच्या उपचारासाठी हे उपकरण उपयुक्त ठरणार आहे. सध्याच्या धकाधकीच्या जीवनशैलीमुळे हार्ट अटॅक येण्याचं प्रमाण वाढलं आहे. त्यामुळेच रेल्वे प्रवासादरम्यान हार्ट अटॅक आलेल्या प्रवाशांना तात्काळ उपचारासाठी योजना पश्चिम रेल्वेने आखली आहे. पश्चिम रेल्वेच्या २० स्थानकांवर AED यंत्रणा उपलब्ध करण्यात येणार आहेत.