कोल्हापुरात नाट्यगृहाला आग लागल्याची धक्कादायक घटना घडली आहे. संपूर्ण जगभर प्रसिद्ध असणाऱ्या कोल्हापुरातील खासबाग कुस्ती मैदानाच्या शेडला आग लागली, सदर घटना काल रात्री साडेदहाच्या सुमारास घडली असून या आगीने संगीत सूर्य केशवराव भोसले नाट्यगृहाला आग लागली आहे. या आगीत संपूर्ण नाट्यगृह जळून खाक झालं आहे. अग्निशमन दलाच्या १५ तै २० गाड्यांनी या आगीवर नियंत्रण मिळवलं आहे. केशवराव भोसले नाट्यगृहामध्ये बहुतांश भाग हा लाकडाचा आहे. त्यामुळे आगीने रौद्र रुप धारण केल्याचं पाहायला मिळालं. दरम्यान घटनेत कोणत्याही प्रकारची जीवीतहानी झालेली नाही.