बॉलिवूडचा प्रसिद्ध गायक सोनू निगम यानं बेंगळुरूत एका कॉन्सर्टमध्ये कथितरित्या आक्षेपार्ह टिप्पणी केली होती. त्यावरून तो अडचणीत सापडला. त्याच्याविरोधात एफआयआर दाखल झाला होता. तो एफआयआर रद्द करण्याच्या मागणीसाठी त्यानं कर्नाटक हायकोर्टाचं दार ठोठावलं आहे.

कर्नाटक रक्षण वेदिकेच्या बेंगळुरू शहर जिल्हा विभाग अध्यक्ष टीए धर्मराज यांनी तक्रार केल्यानंतर अवलाहल्ली पोलीस ठाण्यात सोनू निगमविरोधात गुन्हा नोंदवण्यात आला होता.

सोनू निगम याने २५ आणि २६ एप्रिलला एका कॉन्सर्टमध्ये आक्षेपार्ह वक्तव्य केलं. तसेच कन्नड नागरिकांच्या भावना दुखावणारे विधान केले. तक्रार केल्यानंतर ३ मे रोजी पोलीस ठाण्यात गुन्हा नोंदवण्यात आला होता. एफआयआर रद्द करण्याच्या मागणीसाठी सोनू निगमने कर्नाटक हायकोर्टात याचिका दाखल केली. या याचिकेवर १५ मे रोजी सुनावणी होणार आहे.