FIR Against Ritesh Agrawal : OYO चे मालक रितेश अग्रवाल यांच्यावर गुन्हा दाखल करण्यात आला आहे. जयपूरमध्ये ओयो संस्थापक रितेश अग्रवाल यांच्याविरोधात २२ कोटी रुपयांच्या फसवणुकीचा गुन्हा दाखल झाला आहे. स्थानिक हॉटेल मालकांनी ओयोवर फेक रूम बुकिंगद्वारे पैसे कमावल्याचा आरोप केला आहे. यामुळे हॉटेलांना जीएसटी विभागाकडून कोट्यवधी रुपयांचा कर, दंड आणि व्याजाचा भुर्दंड सहन करावा लागत आहे.

हॉटेल फेडरेशन ऑफ राजस्थानचे अध्यक्ष हुसैन खान यांनी ही समस्या गंभीर असल्याचे सांगितले. जयपूरच्या आदर्शनगर पोलिस ठाण्यात रितेश अग्रवाल यांच्याविरोधात एफआयआर दाखल झाली आहे. याशिवाय, जोधपूरमध्येही गेल्या सहा महिन्यांत १० हॉटेल मालकांना जीएसटी नोटीस मिळाली आहे. ओयोवर बुकिंग आणि नंतर रद्दीकरणाच्या नावाखाली फसवणूक केल्याचा आरोप आहे, ज्यामुळे हॉटेलांना जीएसटी भरावा लागत आहे.