संजय गडदे, मुंबई | साम टीव्ही

मुंबई विमानतळ जणू कुस्तीचा आखाडा झाला होता. वाहनचालक आणि सुरक्षा रक्षक यांच्यात तुफान हाणामारी झाली. पार्किंगच्या वादातून ही हाणामारी झाल्याचं सांगण्यात येत आहे. पार्किंगवरून सुरुवातीला बाचाबाची झाली. त्याचं पर्यावसन हाणामारीत झालं. चालक आणि सुरक्षा रक्षक यांच्यात तुंबळ हाणामारी झाली होती.

या घटनेचा व्हिडिओ सोशल मीडियामध्ये व्हायरल झाला. दोन गटांत झालेल्या हाणामारीच्या घटनेने विमानतळ परिसरात एकच गोंधळ उडाला होता. दोन्ही गटांविरोधात सहार पोलीस ठाण्यात गुन्हा नोंदवण्यात आला आहे. या प्रकरणी वाहनचालक आणि सुरक्षा रक्षक यांना सहार पोलिसांनी ताब्यात घेतलं आहे. या घटनेचा पुढील तपास पोलीस करत आहेत.