बालाजी सुरवसे, साम टीव्ही

धाराशिवमधील प्रसिद्ध मातोश्री बिर्याणी हाऊसवर अन्न व औषध प्रशासनाच्या पथकाने कारवाई केली आहे. आठ दिवसांपूर्वी जेवायला आलेल्या ग्राहकाच्या प्लेटमधील बिर्याणीत झुरळ निघाल्याची बातमी साम टीव्हीने दाखवली होती. साम टीव्हीच्या बातमीनंतर अन्न व औषध प्रशासन अॅक्शन मोडवर आली आहे. चार जणांच्या पथकांकडून मातोश्री हॉटेलच्या मुख्य शाखेतील स्वच्छतेची कसून तपासणी करत बिर्याणीचे नमुने घेतले. सहआयुक्त कार्यालयाकडे नमुने तपासणीसाठी पाठविण्यात आल्याची माहिती आहे. तसेच मातोश्री हॉटेल मालकाला अन्न व औषध प्रशासनाकडून नोटीस देण्यात आली आहे.