मुंबई-अहमदाबाद राष्ट्रीय महामार्गावरील नायगाव हद्दीत आज सकाळी दुचाकीचा भीषण अपघात झाला. या अपघातात राहुल गुप्ता (रा. सांताक्रूज, मुंबई) या तरुणाचा जागीच मृत्यू झाला असून त्याचे दोन मित्र गंभीर जखमी झाले आहेत.

मिळालेल्या माहितीनुसार, आज सकाळी सहा मित्र तुंगारेश्वर धबध्याच्या ठिकाणी फिरायला गेले होते. वसईहून मुंबईकडे परतताना नायगाव हद्दीत त्यांच्या दुचाकीला अपघात झाला.

या दुर्घटनेमुळे महामार्गावर वाहतूक कोंडी निर्माण झाली असून घटनास्थळी वाहतूक पोलीस न पोहोचल्यामुळे वाहनचालकांत संतापाचं वातावरण आहे.