सरकार स्थापनेपूर्वी कर्जमाफीचे आश्वासन देणारे उपमुख्यमंत्री अजित पवार आता शेतकऱ्यांना कर्ज भरण्याच्या सूचना देत आहेत. त्यांच्या या भूमिकेचा स्वाभिमानी शेतकरी संघटनेने तीव्र विरोध केला आहे.

परभणी जिल्हाधिकारी कार्यालयासमोर संघटनेच्या कार्यकर्त्यांनी एकत्र येत कांदा आणि कापसाच्या हाराने अलंकृत काळी गुढी उभारली. तसेच, सरकारविरोधात जोरदार घोषणाबाजी करत अजित पवार आणि उपमुख्यमंत्री देवेंद्र फडणवीस यांचा तीव्र निषेध करण्यात आला.

स्वाभिमानीच्या कार्यकर्त्यांनी सरकारने तात्काळ कर्जमाफी जाहीर करून शेतकऱ्यांच्या सातबाऱ्यावरची थकबाकी शून्य करावी, अशी मागणी केली. अन्यथा, तीव्र आंदोलन छेडण्याचा इशारा संघटनेने दिला आहे.