लातूरच्या कानडी बोरगाव इथे अतिवृष्टीने प्रचंड मोठ शेती पिकांचं नुकसान झाल आहे. दरम्यान या नुकसानग्रस्त भागाच्या पाहणीसाठी लातूर ग्रामीणचे भाजपाचे आमदार रमेश कराड आले होते. अतिवृष्टीत संपूर्ण पीक पाण्याखाली गेल्याने शेतकरी नवनाथ विभुते यांनी सत्ताधारी आमदार यांच्या गाडी पुढे अक्षरशः टाहो फोडला. हा शेतकरी जीवाच्या आकांताने ओरडतोय, अतिवृष्टीत सारं पीक पाण्यात गेलं, सरकार भरीव मदत करत नाही, कर्जाचा डोंगर चढलाय, सत्ताधारी आमदार हे बांधावरही यायला तयार नाहीत या भावनेतून या शेतकऱ्याने अक्षरशः टाहो फोडला. तरी देखील हे भाजपचे आमदार रमेश कराड गाडीतून उतरले नाही. यानंतर नागरिकांनी संताप व्यक्त केला आहे.