नव्या वर्षात सर्वसामान्य जनतेच्या खिशार भार पडणार आहे. रिक्षा आणि टॅक्सीचा प्रवास महागणार आहे. तसंच शहरांमध्ये धावणाऱ्या बस सेवांच्या टिकीटात देखील भाडेवाढ होणार आहे. एसटीच्या दरात देखील १५ टक्के भाडेवाढीचा प्रस्ताव देण्यात आला आहे.

रिक्षा, टॅक्सीच्या देखभालीचा खर्च वाढला आहे, महागाई वाढली आहे, पेट्रोल डिजेलचे दर देखील वाढले आहेत. त्यामुळे आता रिक्षा आणि टॅक्सीच्या दरात भाडेवाढ करण्याचा निर्णय घेण्यात आला आहे. त्यामुळे सामान्यांना याचा फटका बसणार आहे. यात रिक्षाच्या दरात २ रुपये आणि टॅक्सीच्या दरात ४ रुपयांची वाढ करण्याची मागणी संघटनांनी केली आहे. तसंच शहरी बससेवेचं तिकीटसुद्धा १ ते ५ रुपयांनी महागणार असल्याचं सांगण्यात आलं आहे.