Faheem Khan Identified as Mastermind Behind Nagpur Violence : नागपूर हिंसाचार प्रकरणाची धक्कादायक माहिती समोर आली आहे. महाल आणि आसपासच्या परिसरात दगडफेक आणि जाळपोळ प्रकरणी पोलिसांनी दाखल केलाला एफआयआर समोर आला आहे. ३८ वर्षांचा फहीम खान हा या हिंसाचारामागील मास्टरमाईंड असल्याचे पोलिसांनी एफआयआरमध्ये म्हटलेय.

नागपूर पोलिसांनी दाखल केलेल्या एफआयआरमधून धक्कादायक माहिती समोर आली आहे. फहीम खान याने दबाव जमवून चिथवणी दिल्याचे पोलिसांनी एफआयआरमध्ये म्हटले आहे. फहीम खान याचा व्हिडीओही समोर आला आहे. चिथवणी देताना फहीम खान याचा एक व्हिडीओ पोलिसांना मिळाला आहे.

एफआयआरमध्ये काय ?

गुन्हा दाखल केल्यानंतरही फहीम खान याने मोठा जमाव जमावला. पोलिसांनी शांततेचं आवाहन केल्यानंतरही कट रचून प्रत्यक्ष तसेच सोसळ मीडियावरून चिथावणी दिली. जमावाने हातात कुऱ्हाड, दगड, लाठीकाठी घेऊन दहशत पसरवली. पेट्रोल बॉम्बने पोलिसांवर हल्ला केला, अश्लील शिवीगाळ केली. पोलिसांना घातक शस्त्र, जगडाने मारहाण करून जखमी केलं.