Ice Cream News : आता उन्हाळ्याचे दिवस सुरू झाले आहेत. अनेकजण आता आईस्क्रीम खाण्यावर जोर देतात. भंडाऱ्याच्या तुमसर येथील अभिषेक भुरे हा तरुण तुमसर शहरात असलेल्या रिलायन्स स्मार्ट मॉलमध्ये आईस्क्रीम खरेदी करायला गेला असता, त्याला एक्सपायरी झालेली आईस्क्रीम विकत देण्याचा प्रयत्न मॉलमधील कर्मचाऱ्यांनी केल्याचा धक्कादायक प्रकार उघडकीस आला. दिनशाज कंपनीची संत्रा बर्फी फ्लेवरची अभिषेक भुरे याने आईस्क्रीमची मागणी केली. त्याला त्या आईस्क्रीम चा बॉक्स जेव्हा देण्यात आला, त्या बॉक्सवर एकावर एक दोन स्टिकर लावल्याच्या आढळून आले. वरचा स्टिकर काढला असता खालील स्टिकरवर आईस्क्रीमची मॅन्युफॅक्चरिंग तारीख निघून गेल्याने ती एक्सपायरी झाल्याचं लक्षात आलं. त्या एक्सपायरी झालेल्या तारखेवर नवीन स्टीकर लावून तो विक्री करण्यात येत असल्याचा गोरखधंदा उघडकीस आला. त्यामुळे आता आईस्क्रीम खाणाऱ्यांनी सावधानगिरी बाळगून आईस्क्रीम खरेदी करण्याचा आणि स्वतःच्या जीवनाची काळजी घेण्याची गरज असल्याचे चित्र भंडाऱ्याच्या तुमसरात समोर आलं.