लोकसभा निवडणुकीच्या (Lok Sabha Election) दुसऱ्या टप्प्यात महाराष्ट्रातील आठ मतदारसंघांमध्ये सकाळपासून मतदान सुरू होते. अनेक ठिकाणच्या मतदान केंद्रांवर इव्हीएममध्ये तांत्रिक बिघाड झाल्याच्या घटना समोर आल्या असतानाच, नांदेडमधील बिलोली तालुक्यात धक्कादायक प्रकार घडला.

रामतीर्थ येथील मतदान केंद्रावर एका तरूणानं कुऱ्हाडीचे घाव घालून इव्हीएम मशीन फोडले. भय्यासाहेब एडके असं हे कृत्य करणाऱ्या तरुणाचं नाव आहे. मतदान केंद्रावर तैनात असलेल्या पोलिसांनी त्याला तात्काळ ताब्यात घेतले. त्यानं हे कृत्य का केलं यामागचं कारण अद्याप अस्पष्ट असून, पोलीस तपास करत आहेत.