हा विजय न भूतो न भविष्यति आहे. राज्यातील जनतेने आम्हाला आम्ही अडीच वर्ष केलेल्या कामाची पोचपावती दिली आहे, अशी प्रतिक्रिया महायुतीचे मुख्यमंत्री एकनाथ शिंदे यांनी यांनी दिली आहे. आज विधानसभा निवडणुकीचे निकाल राज्यात जाहीर होत आहेत. यात सकाळपासून सुरू असलेल्या मतमोजणीत सुरुवातीपासूनच्या कलात महायुटी आघाडीवर आहेत. आत्तापर्यंत 219 जागांवर महायुतीला आघाडी मिळाली आहे. याअनुषंगाने एकनाथ शिंदे यांनी ही प्रतिक्रिया दिली.

पुढे बोलताना शिंदे म्हणाले की, समाजातील प्रत्येक घटकाचे अभिनंदन करतो. महायुतीच्या कार्यकर्त्यांचे अभिनंदन करतो. महायुतीला आशीर्वाद दिल्याबद्दल जनतेचे आभार मानतो. मुख्यमंत्रीपदाचे अजून काही ठरलेले नाही, तिन्ही पक्षाचे नेते एकत्र बसून चर्चा करत मुख्यमंत्री कोण हे ठरवणार आहे. आम्ही केलेल्या विकासकामांची जनतेला पोचपावती मिळाली. या विजयामुळे पुढील काळात आमची जबाबदारी वाढली आली आहे. महाराष्ट्र विधानसभा निवडणुकीत महायुतीचा ऐतिहासिक विजय झाला आहे, असं मुख्यमंत्री एकनाथ शिंदे यांनी म्हटलं आहे.

Edited By Rakhi Rajput