राज्यात पुन्हा एकदा मोठा राजकीय भूकंप येण्याची शक्यता सूत्रांकडून वर्तवण्यात आली आहे. कारण काळजीवाहू मुख्यमंत्री एकनाथ शिंदे हे मोठा निर्णय घेण्याची शक्यता आहे. याबद्दलचं सूचक विधानच शिंदेंच्या नेत्याने केलं आहे.

राज्यात सत्तास्थापनेच्या घडामोडींना वेग आला आहे. मुख्यमंत्री कोण होणार हे आता जवळपास निश्चित झालेलं असल्याने महायुतीत नाराजी नाट्य बघायला मिळत आहे. त्यातच भाजपकडून शिंदे यांना मुख्यमंत्रिपद नाकारल्याने ते नाराज असल्याचं बोललं जात आहे. महायुतीची होणारी बैठक दोन दिवस पुढे ढकलत एकनाथ शिंदे हे आपल्या गावी गेल्याने त्यांच्या नाराजीच्या चर्चा रंगल्या आहेत. तर दुसरीकडे शिंदे गटातील आमदार संजय शिरसाट यांनी एकनाथ शिंदे हे लवकरच मोठा निर्णय घेणार असल्याचं सूचक वक्तव्य केलं आहे. त्यामुळे राज्याच्या राजकरणार पुन्हा एकदा मोठा भूकंप येईल का? असा प्रश्न उपस्थित होत आहे.

Edited By Rakhi Rajput