एकनाथ शिंदेंना नेहमीच ऑन द स्पॉट निर्णय घेताना सर्वांनीच बघितले आहे. कुठल्याही कार्यवाहीला दिरंगाई न करता ते तात्काळ कार्यवाही करतानाचे अनेक प्रसंग आहे. यवतामळ जिल्ह्यातील पांढरकवडा येथे एका जाहीर सभेत त्यांनी थेट उद्योगमंत्री उदय सामंत यांना फोन केला. उदय सामंतजी मी या ठिकाणी पांढरकवड्यात आलोय आणि लोकांची मागणी आहे. इथे रोजगार नाही मिळत येथे एमआयडीसी पाहिजे जागा द्यायला तयार आहे. तर शब्द देऊ मी त्यांना? असा सवाल केला असता उदय सामंतांनी द्या नक्की आचार संहिता संपल्यावर लगेचच हे काम केले जाईल असे म्हणत सकारात्मक प्रतिसाद दिला.